Albana Melyshi Lifschin


POEZI nga Albana Melyshi Lifschin
Nga libri "Ka gjithmonë diku", 2010

SHKALLA E POEZISE
AI/AJO
PO PRES
SHPIRTI I POETESSHPIRTI I POETES
TRI HERĖ E HUTUAR SOT
PLANETI
MOS MĖ DĖRGO HESHTJE
DJE PREVA FLOKĖT
SI NDODH QĖ&
LĖRMĖ
ZBULIMI I KOLOMBIT
DASHURIA E GRUAS
PA GJUMĖ MĖ LĖ
PUTHJA
DJE, SOT DHE NESĖR
MĖ MBAJ MEND TĖ SHĖMTUAR
MAGJIA E NJĖ ZĖRI
SI?
NGJYRA E SYVE
VĖSHTRIM I SHPEJTĖ
E PAPRITURA
SHINAT
PRITJA
MOLLA
TIS I HOLLĖ
CELULARI
VATHĖT
TELEFONI
PSHERĖTIMĖ
MEDALJONI
NJĖ JETĖ
PETALE TĖ THARA
PSE?
SHI NĖ ISHULL
MESNATĖ TEK UNĖ
ZEMĖRIMI
MOMENT
DUELI I HESHTJES
ĒAPKĖNĖRI
NĖN HIJEN TĖNDE
PSE ERDHE KAQ VONĖ?
IMAZH
PRIFTI I SHPRIFTĖRUAR
PENTAGRAM
I FALEM
ZONJA HESHTJE
KOHĖ MONEDHASH
LARGOHEM
E FUNDIT
MUZĖ E RE
FALJE DHE PENDIM
METROTĖ E NJU JORKUT
PRANGAT E MIQĖSISĖ
ZEMĖRIMI I DIMRIT
SHIRAT E VJESHTĖS
MBULESA E BARDHĖ
PĖRSE DRUAJ TU KĖNDOJ TĖ GJALLĖVE?
AI QĖ SJE
LOT NĖ SYTĖ E BURRIT
DJALI
E BRISHTĖ...
«GJER NĖ VDEKJE& »
NĖ THELLĖSI TRISHTIMI
MUZG NĖ MOL
IKJE
TĖ DIELAVE
VITET?
NUK E KUPTOJ
IKE TI
INTER-FE
KĖPUCĖT E IMELDĖS DHE TĖ MIAT
BURRI
NĖNA IME KA DITĖLINDJEN
KONTRATAT
SHAKA E ZOTIT
DYSHIMI
HAITI
URA QIELLORE
POEZI TĖ AMPUTUARA
GJINKALLAT E SHTATORIT
RREZE MIRĖSIE
MARATONĖ
HIRUSHJA
KODRA ME QIPARISA
NGJYRAT E KĖTIJ DIMRI
PRANVERĖ E KĖPUTUR
MARSI I DYTĖ
BETIMI
SHTYPĖSI DHE I SHTYPURI
NJĖ ZARF PENG
DHIMBJE DHE MALL
ĒTĖ THANĖ DHE ĒU THE?
VARGU MBRET
PEJSAZH SHIU
DESHA SHPIRTIN TIM TĖ LIRĖ
HIRI I DASHURISĖ
ARENA
PSE TĖ DESHA TY...
ULU PRANĖ MEJE

SHKALLA E POEZISE

A. Podrimjes

Zotëri,
bujarisht
nga ai fron perëndie
ku qëndroni Ju
me lëshuat një shkallë...
Ngjitu! Më thatë
Po a mundem?
Tek ju shoh Ju aq lart
ndjej tė mė merren mėnd.


(return to top)

AI/AJO

Ka gjithmonë diku
një Ai
një Ajo
për të cilët zgjohemi.

Pa Ata
jeta do të ecte somnambul.


(return to top)

PO PRES

Kjo është koha kur ti shfaqesh
Për të pagëzuar mengjezin tim
Po pres.
Ke të drejtë të sëmuresh,
Të qeshesh edhe të vdesësh.
Por jo të vonohesh.


(return to top)

SHPIRTI I POETES

Mbrëmë një gotë verë
piva me një poete
Pashë si shpirtin
magjishëm hodhi në gotë,
unë gotat i shkëmbeva
dhe shpirtin ia mora me vete.


(return to top)

TRI HERË E HUTUAR SOT

Sot që të takova ty:
Më kaloi pa vënë re
stacioni i autobusit ku do të zbrisja,
Ngatërrova telefonin e shtëpisë,
që t’u thosha se do të vonohem,
I lashë motrat pa mënd
kur thirra vëllanë me emrin tënd!


(return to top)

PLANETI

Në ç'planet të ri më fton, miku im,
kur e di, që s'shkojmë dot kurrkund tjetër,
ë ndrrave krahë u dhamë, por jo adresë,
tokësore do të kthehemi te planet' i vjetër .

2010


(return to top)

MOS MË DËRGO HESHTJE

Mos më dërgo heshtje
Heshtja bluan gurë.
Nuk është për mua.
Në çdo fjalë që dërgon ti
tek unë merr frymë një poezi


(return to top)

DJE PREVA FLOKËT

I dashur,
dje preva flokët,
flokët e mi të gjatë
që aq shumë i doje ti
flokët që të mbulonin
gjoksin mbrëmjeve
tek vija kokën
mbi ty.

I dashur,
dje preva flokët
qe të të harroja ty
I pashë si u këputën,
si ranë,
një fshesë i mblodhi
bashkë me plehrat,
tutje i hodhi...

Sot u zgjova
flokëprerë,
qafë zbuluar,
fytyrë e çuditshme,
në pasqyrë
shpërfytyruar,
aspak e lumtur
aspak e qeshur
vetes ngërdheshur,
pa ty dhe pa flokët
dy herë e zhveshur…


(return to top)

SI NDODH QË…

E di se ç’po mendoja tani?
Sikur ti të ishe unë dhe unë të isha ti,
në qytet do të vihej një shpallje:
" Ka humbur një vajzë njëzetvjeçare!"
E do t’i bëja gojët të flasin.
Si ndodh që djemtë njëzetvjeçarë
nuk humbasin?

1999


(return to top)

LËRMË

... lërmë të çlodhem
pas këtij udhëtimi të gjatë,
kryet ta vë në gjoksin tënd,
vështrimin qelibar,
ta mbaj nën qepallë,
vitesh u lodha kërkimit për të.
... lërmë të çlodhem.


(return to top)

DREJTËPESHIMI

Ti hesht, miku im
për të mos shtënë më
në peshoren e fjalëve.
Ruajmë drejtëpeshimin,
duke kërkuar cakun e fjalës
që para nesh askush s'e gjeti.


(return to top)

ZBULIMI I KOLOMBIT

Zbulimi i Kolombit nuk qe asgjë,
para zbulimit që bëmë ne të dy:
Si dy anije në ujërat e njëri-tjetrit
ishim endur në vite,
kaq larg dhe kaq pranë,
ç uditërisht të panjohur ende!


(return to top)

DASHURIA E GRUAS

Vetëm
një moment
i duhet gruas
të bjerë në dashuri,
ai mund të jetë:
moment
admirimi,
sinqeriteti,
boshllëku,
përngjasimi,
ekzaltimi,
rrëfimi,
mirëkuptimi,
keqardhjeje,
pranvere,
rinimi,
iluzioni,
hakmarrjeje,
nevoje,
vetëm
Një Moment,
për te ngecur
në grackën e saj
e rreth Tij
të endë
fijen e mendimit
tërë jetën…


(return to top)

PA GJUMË MË LË

Sa kohë vallë kaloi nga ajo mbrëmje,
kur mbi duart e mia buzët vure ti?
Magjinë e dashurisë ndjeva unë
Si kisha bërë pa të, s’e di

Trazuar, hutuar përkulem sot
Mbi copëza shënimesh kërkoj për të
Drithërimi i ardhur nga tjetër mot
Prapa më merr, pa gjumë më lë.


(return to top)

PUTHJA

Dy herë hyra sot në dush
Dy herë dola e tharë...
Puthjen që më le në gushë
Nuk desha uji të ma marrë


(return to top)

DJE, SOT DHE NESËR

Dje, duke menduar për ty
humba autobusin

Sot, duke menduar për ty
humba trenin.

Nesër, nëse
ende do të jem
duke menduar për ty

do të humbisja jetën…

1996


(return to top)

MË MBAJ MEND TË SHËMTUAR

Më mbaj mend
të shëmtuar,
i dashur
të vrarë, të plakur
prej netëve pa gjumë,
me varrat e dhimbjes në fytyrë.
Pas operacionit të dështuar
me të shkuarën
erdha të të lë zemrën...


(return to top)

MAGJIA E NJË ZËRI

Ç’ magji pati yti zë
i derdhur vetëm në dy rreshta
frymëmarrja ime pa frymë u bë
nga dimri deri te vjeshta.


(return to top)

SI?

Më pate thënë, që në dashuri
nuk ka as skllevër, as fitimtarë.
Por... si më robërove ti?


(return to top)

NGJYRA E SYVE

Sot dikush më tha se
sytë i paskam të shkruar,
një tjetër më pat thënë
të trishtë i ke, të lënduar

Oh, unë ngjyrën syve të mi
qyshkur e kam harruar!

Por mbaj mend sytë e tu
të kaltër si qielli i ke,
blu të thellë, të menduar
kur s'më ke mua atje…

2002


(return to top)

VËSHTRIM I SHPEJTË

E ndjej vështrim tënd të shpejtë
pas shpatullave tek shket tani

A thua isha unë, Ajo?
A thua ishe ti, Ai?

S’ka më Veronë as magji.
U zbardhëm i dashur, u zbardhëm
Dashuria mbeti fëmijë…


(return to top)

E PAPRITURA

Ç 'qe kjo e papritur
për ne, sonte!
Habitur, shtangur,
mbetëm te dy,
bota s'qenka aq e madhe,
sa thonë,
për t'më harruar ti mua,
e humbur unë ty...


(return to top)

SHINAT

Ndjenjat si trena të çmendur
vrapojnë mbi binarë paralele
përjetësisht
Afrohen, rënkojnë, ulërijnë e ndahen
për të thyer qafën diku tjetër
përfundimisht
Në pafundësi binarë që zgjaten
për të mos u takuar
kurrë
Njëra isha unë e tjetra ishe ti…


(return to top)

PRITJA

Jam kaq e lodhur
duke të pritur ty
të kthesh sytë nga unë,
sa, kur të kujtohesh ti,
ajo, s’do të jem më unë!


(return to top)

MOLLA

E fortë, e rrumbullakët,
I erdhi përreth dielli,
ajo u skuq, u rrit,
u lëngëzua,
nga pesha e saj
dega u rëndua,
mollë e pjekur pret te bjerë
Po... ku?


(return to top)

TIS I HOLLË

Vetëm një tis i hollë
E ndante miqësinë nga dashuria.
Tani i qajmë të dyja!


(return to top)

CELULARI

Duhet të ndërroj zilen e celularit.
Tani çdo tingëllimë e saj më dridh.
Në kraharor, një zog i vogël zgjohet,
shkund pendlat, gati bëhet për fluturim
Harron se i ka të prerë…


(return to top)

VATHËT

Sot vura vathët, që më pate dhënë ti
dhe në restorant hyra me dikë tjetër.
Oh, jo! Nuk qe restoranti ynë.
Dhe porosia... jo nga menyja jonë.

E lashë të më lëvdonte sytë,
fustanin dhe vathët pikë-loti.

Ai i kënaqur nga hiçgjë,
Unë vështrimin te dera tretur.
Pse erdha këtu, kot së koti?
Kur shpirti te ti kishte mbetur?


(return to top)

TELEFONI

Alo?.. Alo?.. Alo?..
Heshtje, heshtje, heshtje
Ai maste heshtjen.
Ajo në heshtje maste dhimbjen.


(return to top)

PSHERËTIMË

O Zot! Ç’po ndodh kështu?
Po bien të tërë në dashuri me mua.
Si mund të jetë kaq indiferent
pikërisht ai, që UNË dua?


(return to top)

MEDALJONI

Dikur blemë një medaljon,
në formën e një zemre-kuti.
Aty mbyllëm dy shpirtra-flori.
Sot ndjeva zemrën të më rëndojë.
Ti shpirtin tim e kishe shitur,
I yti qe kthyer në plumb të zi.


(return to top)

NJË JETË

Lamë ditët të na shkisnim,
Lamë vitet të na iknin…


(return to top)

PETALE TË THARA

Brenda një libri sot në zarf
më erdhën dy petale të kuqe
Trëndafili i tharë ngacmoi kujtime,
djalin çapkën në rininë e parë,
foshnjaraken dashurinë time

Dy petalet - qenë buzët e mia
që ai at'her s’i puthi dot kurrë,
këpusja petale mbi buzë i vija
qeshja shenjtërisht, siç qesh fëmija
s'dija se isha lindur për një burrë.


(return to top)

PSE?

Pse duhet të vrasim më parë,
për të ndjerë më pas dashuri?


(return to top)

SHI NË ISHULL

Shopeni i dashuruar në ishull
kishte ngecur,
në një ishull të blertë, ishull me shi.

Sikur ta dinte që në atë ishull,
një ditë do të ngecja edhe unë
do të ngecje edhe ti...

A do ta vuante aq shumë limontinë e tij?


(return to top)

MESNATË TEK UNË

Te ti është mëngjes
mesnatë, tek unë
pa gjumë duhet të rri,
të mos presësh aq gjatë.

Tek unë shndrit Dielli,
tek ty hëna e artë
nga pas më ndjek, e dot s'më zë
sa larg jemi… Eh, sa larg!


(return to top)

ZEMËRIMI

Mbeti foleja bosh...
Unë padashur përplasa derën,
Ti nga zemërimi e tërhoqe… osh!


(return to top)

MOMENT

U ktheve një moment
sa të shkëmbenim lotët,
vetëm një sekondë
sa të më ngrije kokën
u largove i kërrusur
duke mallkuar botën...


(return to top)

DUELI I HESHTJES

Ushtria e fjalëve na la
Tani mbetëm unë dhe ti
tërhequr në duelin e heshtjes.
A duhet të ishin hedhur
aq shumë ushtarë,
kur mjaftonin vetëm dy pale
sy-kryqëzorët tanë?


(return to top)

ÇAPKËNËRI

S'e di pse më pëlqen,
të luaj me ty,
në shtëpi kur kthehesh,
të kërkosh çdo qosh,
e të mos më gjesh,
kur buzët të varësh,
e jashtë të dalësh
fshehur pas dere
fëmijërisht të qesh,
në krahë t'më marrësh,
e lart të më ngresh.

Gusht, 2001


(return to top)

NËN HIJEN TËNDE

Të falem o lis i madh,
nën hijen tënde
ndihem e sigurtë
nga krahë të fortë
mbështjellë.
Stuhisë nuk i jepem.
Por kur fryn i liri fllad
i paudhi bohem
shoqëri i bën shpirtit
e më rrëmben


(return to top)

PSE ERDHE KAQ VONË?

Pse erdhe kaq vonë tek unë?
kur gruri u korr
e në fushën e përvëluar
mbeti vetëm kashta?

Pse erdhe kaq vonë tek unë,
Kur edhe dera e fundit
u mbyll
Dhe dimri të la përjashta?


(return to top)

IMAZH

Mbi komodinë
nga fotografi e vjetër
vështrimi yt i trishtë
më merr me vete
në një kohë tjetër…

Në atë ballë të lartë,
në ata sy përrallë
ç’ sekret mbaje fshehur,
do ta thoshe vallë?

Me ata sy të bukur,
me ata sy blu
kë përgjoje natën
kush rendte ashtu?

Ç’ qe ai trim, ajo trokëllimë?
Si era fshatin mësynte
mbi vithe të kalit të hidhte
nën gunën e tij të fshihte?

E bukur ti dritë e hënës,
gjeraqinë e trembur,
në sytë e tu përrallë,
botës i mbaje fshehur
sekretin tënd të parë…

2000


(return to top)

PRIFTI I SHPRIFTËRUAR

(Atë ditë në kishë mungonte prifti Dominik
dhe në radhën e parë, e bukura Anna Mari Shik)


Kur ai ngrinte lart sytë e kaltër,
t’i lutej Zotit për besimtarët, i falte atij
dashurinë e mbledhur nga dyqind palë sy.
Por ajo Anna Mari Shik, perria e Kishës,
gjithnjë në radhën e parë, për vete e donte të tërën
dashurinë e Dominikut, dyqind pjesësh të ndarë.

Djalli lutjen pëshpërimë e dëgjoi, e tinëzisht
dashurinë e tërë, si krua ia derdhi në sy.
Fytyra e vajzës prush u bë, u përshkëndit.
Kur e bukura ngriti qepallat të digjte
nën qerpik të devotshmin Dominik,
prifti ndjeu turbullim djali,
e kaltra e syve u mbulua me mist…
Tek zgjaste duart nga Altari, zbrazëtirë
ndjeu t'i falte Zotit përulësisht.

Në gjunjë e ulën priftin Dominik,
të pranonte fajin,
se s'qe më i denjë për altarin,
se urdhrin e vet kish dhunuar
se kishte fyer vetë të madhin Zot.
Shën Mërinë, me Anna Marinë kishte ndërruar
nëmur nga Ati do të qe përgjithmonë,
nga njerëzia përgjithmonë i harruar.

Atë ditë në kishë mungonte prifti Dominik
dhe në radhën e parë, e bukura Anna Mari Shik.

2001 (bazuar mbi një ngjarje të vërtetë, të cilën e mësova gjatë një vizite në London, ONT. Kanada)


(return to top)

PENTAGRAM

Mbi paralelet e tua
Edhe Dhimbjes më të madhe
pesë nota i mjaftojnë.
Për të klithur.
Lumturisë - për t’u dridhur.
Pentagram, çelësi është i yti
apo i shpirtit tim?
18 janar, 2010


(return to top)

I FALEM

I falem fisnikërisë së kalorësit
në pëllëmbë zemrën ia jap,
ndërsa lutem në heshtje,
ta marrë nën mbrojë,
në turravrap të mos i bjerë,
ndër patkonj.


(return to top)

ZONJA HESHTJE

Zonja Heshtje më porositi
me një lëvizje qerpiku.
Unë e përzura.


(return to top)

KOHË MONEDHASH

Në këtë kohë
monedhash
zemra erdhi falas.
Dhe
pësoi infarkt!


(return to top)

LARGOHEM

Larg
u rri xhamave të errët
që fshehin ligësinë e syrit,

bartësve të bagazheve
me ilaçe për të vdekurit
e gjarprinj për të gjallët.

U largohem,
që të mund të marr frymë
në hapësirën time...


(return to top)

E FUNDIT

Renda e fundit
para se të mbyllej porta e vitit.
Një orë më pas po të isha lindur
do kisha kapërcyer pragun tjetër.
Vetëm për një orë,- një vit më e vjetër!
Nga padurimi për t'u takuar Ju!
31 dhjetor 2009


(return to top)

MUZË E RE

Pas vargut tim
po të kërkojnë,
muza ime e fshehur.
Kërkojnë gjurmët
e nurit tim të pjekur.

Janar, 2010


(return to top)

FALJE DHE PENDIM

Dhe vjen një ditë, që i fal të gjithë,
se jeta zemrën të madhe e ka,
dhe dashuri e dhimbësuri pafund.
Ah, ky lëshim ç’më sjell pendim,
se djajtë paskan mbetur po ata!

shtator, 2002


(return to top)

METROTË E NJU JORKUT

Gojë gjigante
na përpijnë çdo mëngjes
na vjellin çdo mbrëmje.
Rit njëqindvjeçar.

Të durueshëm deri në habi
u besojmë jetën,
ndërsa për çdo rast
me vete mbajmë
qefinin e vdekjes.


(return to top)

PRANGAT E MIQËSISË

Miqtë e mi,

Në më doni,
mos më vini pranga,
mos më thoni më kë të flas,
kur të hesht e kur të bërtas.

Në më doni,
gëzoni miqësinë time
ajo është lule që vetiu çel,
njëlloj si zemra urdhra nuk merr
komandant nuk njeh,
kurth për ju nuk bëhet
dhe as për mua çengel!

Miqtë e mi,
mos i vini pranga
miqësisë sime
As tuajën
në pranga, nuk e dua!


(return to top)

ZEMËRIMI I DIMRIT

E pashë sot zemërimin e dimrit,
tek i preu rrugën pranverës,
si dashnor hakmarrës e avdall!
I shfryu bulçitë, me vërtik i ra derës
kova uji derdhi, xhamet i ngriu, i bëri kristal.

Mars, 2007


(return to top)

SHIRAT E VJESHTËS

Nisën edhe shirat e vjeshtës
shirat që trokasin në dritare,
shirat që na sjellin kujtime, mall,
që na zgjojnë vargjet e të famshmëve,
që pas u shkojnë vargjet tona të thjeshta,
që na djegin edhe ato në shpirt e në eshtra...

2000


(return to top)

MBULESA E BARDHË

Sonte,
zonja e bukur Dëborë,
shtriu krahët mbi çdo gjë,
kangjellat, çatitë, oxhaqet
kërcinjtë e murrmë të pemëve,
të gjitha ngjyrat i mbuloi.
Edhe të zezën nën të bardhë
e fshehu mjeshtërorja.

Në heshtje,
pres Diellin.


(return to top)

PËRSE DRUAJ T’U KËNDOJ TË GJALLËVE?

Thjeshtë:
Sepse nuk më le ime gjyshe.
Edhe përtej varrit më vjen ai zë:
Bijo, këngët janë për të vdekurit
Sa kohë që jemi gjallë,
Kemi kohë të turpërohemi…


(return to top)

AI QË S’JE

Shanset humbasin
kur mungojmë
aty ku duhet të jemi.

Humbasin
edhe kur s’guxojmë
të vërtetën të themi…

Humbasin
kur i vetëdijshëm i le.
Humbasin edhe kur hiqesh
Ai që s’je.


(return to top)

LOT NË SYTË E BURRIT

Lot në sytë e tij, s’i kisha parë kurrë
Thosha burri është si guri.
Sot, m’u shkul zemra, më tradhtoi bindja
Burrin shkëmb e paska bërë dhimbja…

Mars 19/2008


(return to top)

DJALI

Foshnjë, të mbaja në gji
Të vogël, të mbajta në duar,
S’të lashë kurrë të biesh,
as të pengohesh.
Tani u bëre burrë, bir,
Kujdes mos rrëzohesh!


(return to top)

E BRISHTË...

Ë shtë si një copë qelqi,
transparente,
ju pëlqen ta merrni në duar
t'i besoni shëmbëlltyrën tuaj.

Kujdes, është ende e ngrohtë,
masë fluide,
në kërkim të formës së saj...

Do të shndërrohet në gotë vere
për pritje mondane?
Në kristal mikasa, shandanë solidë?
Në çfarë vallë... ju ende s’e dini.

Ndërkohë jepini kohë,
admironi transparencën
e mos harroni se është ende një copë qelq,
mos peshoni në të, se është e hollë, e brishtë.
Nuk mban, mund të thyhet, e në u theftë,
mund t’ju presë e t'ju dhembë në shpirt.

Prill, 2004


(return to top)

«GJER NË VDEKJE… »

S'më hiqet nga mendja piktura e Gojës,
e fishkura mbretëreshë para pasqyrës,
hoshafka pudroste rrudhat e fytyrës,
për shpirtin pudër gjetur s'kish...


(return to top)

NË THELLËSI TRISHTIMI

Ndjeva zemrën si gur
Në thellësi trishtimi u fundos
Përpiqem e verbër të gjej
spirancën dhe limanin


(return to top)

MUZG NË MOL

Sot në muzg
panë sërish gruan-fëmijë
të zbriste te moli.
Në breg u ul, pulëbardha
Këmbët zhyti në ujë
me krahë mblodhi gjunjët
mbi kokën e bukur
ë ndrrat ç’pështolli...


(return to top)

IKJE…

Ndonjëherë dua të iki diku
më mirë "e vetme"
në qetësinë time,
mrekulluar nga virgjëri
e natyrës diku, larg nga
buzëqeshjet hipokrite,
të pafundmet "çu çu çu".


(return to top)

TË DIELAVE

Të dielave miqtë e mi
i kërkoni Zotit t’ju falë,
e i flisni jo për ato
që bëtë dje e pardje,
por për ato që do të bëni
nesër e pasnesër,
e deri sa të vdisni…

Vjeshtë, 2001


(return to top)

VITET?

Ç 'janë këto vite që thoni ju,
unë nuk i takova vitet.
Ato i u afruan avllisë sime
më panë tek kërceja në litar,
e thanë se ngatërruan derën,
të qeshur fëmije më dhanë
e më kthyen sërish pranverën.

Korrik, 2002


(return to top)

NUK E KUPTOJ

Nuk ta kuptoj këtë poezi,
mik,
me drurë ia ke zënë dritën
pyll i zi - vargu yt,
më shtie frikën.


(return to top)

IKE TI

Ike ti
dhe diçka u këput
brenda meje...
Buzëqeshja ime
u shua
dhe dielli u fsheh
pas një reje.


(return to top)

INTER-FE

Meditim ne Krishtlindje

Babai im mysliman, kur qe 20
rrëmbeu pesëmbëdhjetëvjeçaren,
katoliken e bukur Mari.
Martesa u dha tre fëmijë,
me dy gjysma fe.

Vëllezërit
unazat shkëmbyen
me ortodokse.

Që cikli të bëhej i plotë,
për mua Zoti në Amerikë
kishte zgjedhur një hebre.

Tani, të shkoj në sinagogë,
në kishë apo xhami, nuk ka nevojë
Të tria janë tek unë,
apo unë - e ndarë në tre?
Dashurinë e përbotshme gëzoj
në Inter-fe.

25 dhjetor 2009


(return to top)

KËPUCËT E IMELDËS DHE TË MIAT

Kronikat thonë që Imelda Markos
iu gjenden në dollap 3000 palë këpucë…

Dikur në Tiranë, të vetmeve palë këpucë,
u merrja shpirtin nga e hëna tek e shtuna,
Të dielën, të mjerat gojëhapur,
prisnin në radhë te këpucari,
ndërsa prapa dritares në shtëpi
unë Hirushja, këmbëzbathur,
lutesha në heshtje që atë mbrëmje,
në shëtitjen e madhe, në bulevard,
të binte shi, shi...


(return to top)

BURRI

Shtyllë, mur, e çati bashkë,
strehë e dhimbjes, dashurisë
Ë ndrra e parë e vashërisë.
toreador i jetës.


(return to top)

NËNA IME KA DITËLINDJEN

Sot
nëna ime ka ditëlindjen
Fisnikja flokargjendë, me onde
Të bardhë si flokët, zemrën ka,
Ç’ më zgjon kaq mall e kujtime sonte!

17 prill, 2008


(return to top)

KONTRATAT

Sot
ka superprodhim
kontratash me
korrupsionin,
hipokrizinë,
falsitetin,
kurorëzimet,
me djallin,
armët,
seksin,
dollarin...
Të gjitha le t’i marrin!
Unë prej kohësh kam firmosur
kontratën me shpirtin tim.


(return to top)

SHAKA E ZOTIT

O Zot!

Ç’ shaka bëre me ne
Kur moshës i dhe vite
e zemrën pa moshë e le?

Gusht ‘2007


(return to top)

DYSHIMI

Të gjithë e ndjemë
se si papritur diçka e madhe
u thye,
e sotmja e gëzuar
në të djeshme u kthye.

Përpiqemi të buzëqeshim,
dikush gëlltit lotët,
me dyshim shikojmë njëri-tjetrin
në heshtje kërkojmë
shokët.

8 gusht, 2000


(return to top)

HAITI

Dhjetëra mijëra trupa, pirg.
Qindra mijëra klithin
të rrëqethin Diellin.
Holokaust i natyrës, Haiti.
Lufta mes kontinenteve ngrin
Urrejtja hesht.
Sytë kërkojnë çmimin e jetës pa çmim.

14 dhjetor, 2010


(return to top)

URA QIELLORE

Sot,
ura qiellore ra,
(si mund të qëndrojnë
urat në qiell?)
Bota e të verbërve
më dysh u nda,
e baltosur.


(return to top)

POEZI TË AMPUTUARA

Kam frikë t’i shoh poezitë e mia
Rrinë shtrirë si në qivure,
me gjymtyrë të prera, si prej lufte.
Fqinjët m’i grabitën, siç mundën
U duheshin paterica për
pjellat e tyre.
Si harruan të më grabisnin zemrën?


(return to top)

GJINKALLAT E SHTATORIT

Disa rënë prej peme,
të plasura nga dielli i verës.
Të tjerat ende zhuzhojnë,
zhuzhojnë, zhuzhojnë, zhuzhojnë.
Duan mendjen të na mbushin...
S’e dinë që vapa iku me gushtin?


(return to top)

RREZE MIRËSIE

Kaq të etur jemi për mirësi
sa kur shohim një rreze
themi janë dy…


(return to top)

MARATONË

Ndryshe nga të gjithë,
në këtë botë, unë
erdha më këmbë.
Jeta për mua një vrap.
Maratonë në dy kontinente
Mbi qiej detesh bëj hark.

Janar, 2010


(return to top)

HIRUSHJA

Ma morët gëzimin
motra, ma morët
harruat se e ruaja për ju,
as sytë s’u panë
nga xhelozia e vjetër
më grisët, më çorët
të më shëmtonit.
S’donit tjetër.
Unë prapë ju dua
te hiri i vatrës,
për ju kthehem
Veç, e di? Princit
një këpuckë tjetër
i kam dhënë
për fare do më marrë
në një natë me hënë...


(return to top)

KODRA ME QIPARISA

U kthyem kokëvarur nga kodra me qiparisa,
Në mëndje na mbeti një zog i vogël, i zi
rreth këmbëve të gjyshit, seç desh të thosh
ndërsa trupi i nipit mbajtur nga litarë
të gjatë shkiste poshtë, poshtë…

I lamë varrezat me sytë drejt qiellit,
të pafuqishëm për të menduar, të mpirë,
të trembur në blasfemi, përulësisht ndaj
të Madhit. Kërkonim ngushëllim.
Veç një zemër gjithë jetën do të rënkonte
misterin “Pse o Zot, djalin tim?”

Natën ra një shi i butë, një shi si miliona lot
sipas profecisë së priftit për të njomur farën
e porsa hedhur në tokë, fryte për të dhënë.
Ç’ë ndërr vallë i dha të gjorës mëmë?

7 janar, 2007.
(Në kujtim të E.T. djalit që iku në lulen e moshës, javën e martesës)


(return to top)

NGJYRAT E KËTIJ DIMRI

Janari na mbështolli me dy ngjyra,
Të Bardhë e Gri, mbi to lufta
nxiton të pikojë të kuqen.

Kush do të bjerë i pari?..
Unë?
Po i fundit?..
Ti?

Pyetja merimangë kacavirret mbi glob
Këmbëthyer nisi rrugën ky shekulli i ri.

Janar, 2003


(return to top)

PRANVERË E KËPUTUR

Kjo,
pranverë që stinën humbi,
pranverë e këputur nga plumbi,
pranverë e ikur nga vetja,
pranverë e këputur nga vdekja,
mos ardhtë më!

Mars, 2001


(return to top)

MARSI I DYTË

Po bie me duf ky shi pranvere,
kujtimet e ikjes, dhimbje na zgjon,
foshnjat mbi karroca ngarkuar,
familjet shtrydhur në një furgon.

Helikopter, ti gjëmë mallkuar,
përsëri mbi kokat tona ti,
S’u ngope me ne dy vjet të shkuar
I bab ëzitur je për gjak të ri?!

A thua do të thahen lulet e mollës
përsëri syve do na shkasin lot,
Marsi nuk ardhka dot ndryshe për ne,
veçse me krisma e erë barot?

Mars, 2001
(Nga ngjarjet e Marsit 2001, n ë Maqedoni,)


(return to top)

BETIMI

Në solemnitet
atë mëngjes u betova
besnike t'i qëndroj
flamurit me 50 yje të bardhë.
Unë, më e reja amerikane e botës.
Në mbrëmje
dëgjova Himnin kuqezi
e nuk munda të gëlltis lotët…


(return to top)

SHTYPËSI DHE I SHTYPURI

Mik i dashur,
Na u dhimbse kur tregoje
Si të kishin shtypur,
marrë nëpër këmbë...

Liria erdhi… u ngrite.
Na le pa mënd:
Sa shumë i ngjave
Shtypësit tënd!


(return to top)

NJË ZARF PENG

Zotëri serbo-viç,
që në atë zyrë postare
pas syzeve të zeza,
zarfin tim e mban peng,
ç 'mendon?

Të theu në dysh adresa
“ Republika e Kosovës?”

Hajt, lëre zarfin tim të shkojë.
Don Kishot!
Akrepat e kohës pas s’i kthen dot.

Dhjetor, 2009
(Mjerisht korrespondenca postare me Kosovën ende kalon përmes Beogradit)


(return to top)

DHIMBJE DHE MALL

(Emocionet e vizitës sime të parë në Prishtinë)

Sot bulevardi i rinisë sime tiranase
me rrugët e tua Prishtinë u shkri e u bë një
E tronditur në mes pranverës së dubluar,
shpirti mall e lot mbi faqe për ty derdhte…

Një mollë ndahet në mes për dashuri, një pjeshke po ashtu,
por një Atdhe për dashuri nuk ndahet në mes, kurrsesi!

Damarët e gjakut na i prenë vëllezër,
damarët e jetës në fasha mbështjellë i kemi mbajtur,
gjaku të mos na ikë, të mos na prishet,
të fikët të mos na bjerë, në tokë të mos biem,
dhe në gjunjë të mos gjunjemi, gjithashtu….

S'e ndjeva mungesën tënde në Prishtinë, Tiranë,
Ç farë ndjeva ishte dhimbje dhe… mall.

Prishtinë, Maj 2001


(return to top)

Ç’TË THANË DHE Ç’U THE?

Je si fëmijë.
Dua jetën ta gëzoj

Je romantike.
Dashuroj

Je e vërtetë
Nuk dua t’u gëngjej.

Je idealiste.
Gënjemëni po mundet!


(return to top)

VARGU MBRET

Fantazma e tij në mes të natës, u shfaq
Urdhër dha t’i mblidhen ushtarët
Ç’ mund të bëjë një i vetëm mbret?
Poeti nga dheu zgjoi të vrarët...


(return to top)

PEJSAZH SHIU

Nën një mushama të zezë Klejborn
shëtis në lagjën time këtë mëngjes me shi
ç ati të pjerrta, të lagura, trotuare të larë
mbi bar këpurdha që s’ishin më parë...
Shiu i verës ullukut zhurmon, troket,
mbi mushamanë time rrukulliset, shket,
pika shiu mbi gjethe pjeshke, mbi bli,
inxhi mbin mbi flokë, në faqe, në sy...

Verë, 2000


(return to top)

DESHA SHPIRTIN TIM TË LIRË

E desha shpirtin tim të lirë
Që të ta jepja ty,
Bashkë me trupin tim të bukur.

Ah, sikur ta dija!
Gjithshka doje ti nga une,
Që trupi im i zhveshur
Nga shpirti dhe nga zemra

Menduar rri e mekur:
Si mundet vallë
Të bëjë dashuri një trup i vdekur?


(return to top)

HIRI I DASHURISË

Pusho pak, i dashur.
Sytë mbylli, fli pak.
Në mundsh.
E di që të kam lodhur.

Me hirin e dashurisë,
Përkundem dhe unë.
Kur t’i hapim sytë,
do të duhemi më shumë.

Mars


(return to top)

ARENA

M’u shfaqe i madh,
i fuqishëm, gladiator
Të vështroja nga larg,
Me atë hije fisnikërie
Për t’u provuar muskujt
Nuk ishte nevojë.
Arenën ta kishin imponuar.


(return to top)

PSE TË DESHA TY…

... sepse ti prure tek unë
thesarin e rinisë sime
që unë e kisha kyçur,
çelësin e kisha fshehur,
harruar e humbur diku...

Si munde ta gjesh ti?


(return to top)

ULU PRANË MEJE

Ulu këtu pranë meje,
të presim bashkë edhe një herë
ardhjen e mëngjesit, si atëherë
bashkë të presim hapjen e qiellit
të ndajmë bashkë ardhjen e Diellit,
të mos flasim, të mos bëjmë zë,
kujtimeve të tretemi, se s'do shihemi më!



Albana's Home Page Children of Kosova Kafe Shkodra e Nju Jorkut
(Tregime)
Poezite e Mia
Udhëtim në Historinë Amerikane
(Përshtypje)
Journey Into American History
(impressions)
Takim me të papriturën
(Tregime dhe novela)
Fundjave ne Hillsajd
(Tregime dhe novela)
Yesterday I Cut My Hair
(Poetry)
Ura mbi oqean
(Tregime)
Disa tregime nga autorja Magjia e një zëri
(Tregime dhe novela)
Ka gjithmonë diku
(Përshtypje)
Vjehërr amerikane
(Novelë)
Intervista Përkthime
Yjet nuk janë të kuq
Saga e Melyshajoe
Photographs Perëndimi Mistik
Publicistikë Letrare